Hello～事隔多日我地終於有文出喇～終於…. 越來越多人選擇「隔山租屋 / 隔山買牛」，所以今日同大家講一講「租屋」，老實講喺英國租樓～係難架！ . 我地唔敢同大家講我地有幾成功，有幾容易就為客人租到屋，搵我地幫手一定冇問題之類，因為要講真係一匹布咁長，反正英國租樓既話，睇地區啦～但一字記之曰：「快！」特別係好區好校網既地方，加上臨近聖誕，大家既放假 mode 亦已經醞釀得7788，所以打算12月至1月落地又未開始準備既朋友，祝你好運喇！ . 租屋到底有乜要注意呢？其實都離不開果幾味 心態！要保持開朗，有定心裡準備打10個電話先約到1-2間可以睇樓。 努力！加油打多幾個電話啦～ 耐性！大家都係爭緊果堆盤，比少少耐性搵多幾個盤啦，冇咁多一擊即中架～ 慢活！高效率既業主唔係冇，只不過有拖延症既比較多姐。 睇化！放飛機都事少，當你試過收哂確認訊息去到都話冇你資料你就會明白有D野真係唔化唔得了。 . 嗱！唔好以為我地講笑呀，以上呢幾樣真係好重要架！因為英國既慢活同香港既效率係唔同架！要學識「睇化同融入」～如果一味用喺香港時既標準去量度英國既話，辛苦既永遠都係你自己架咋，容入！融入！溶入！ . 返去正題先，三丈「輕輕」咁列左13個喺英國租屋既小程序出黎，有心機就睇，冇就聯絡我地黎個真人激情對話啦 (Whatsapp: bit.ly/2PvVrRq) . 1 ) 房數同大細 英國政府對出租物業係有 Room standard 同 space standard的，你就當佢想國民住得有尊嚴D啦，唔好諗住慳錢屈蛇喇，因為業主比人 Check 到佢既物業 Overcrowded 既話業主係會有罰款架，身為租客既你亦有機會比人趕出街添架～ . 2 ) Right to rent check 主要係 check 我地係咪可以喺英國有居留權，咁最好就緊係批咗 VISA 先開始起租啦，宜家都叫多咗 agent 知 BNO VISA 係咩黎，但未批就難搞D喇，因為一日未批一日都未叫有長期既居留權。 . 3 ) Reference check 正如坊間所講，除咗好多盤一出已經比當地人租咗之外，我地岩岩過去未有收入亦係另一個難題，為咗確保租客有能力交租，佢地都會為租客做返個 Reference check，主要係睇返我地英國有冇收入、欠租紀錄、住址記錄、僱主證明等等，仲有其他要睇既因素呢到就唔多講喇，除非你私了啦，否則喺英國 Reference check 近乎係必要的，我地更加試過有D業主會要求有擔保人做擔保先出租物業。所以為咗唔好浪費大家既時間同資源，記得喺約睇屋果陣同對方講清楚你地既情況呀～ . 4 ) 預付租金 有好多朋友都有個誤解，以為比 6個月至12個月既upfront pass咗 Reference check 既問題就搞掂，但事實邊止咁簡單丫，以優先順序黎講，你喺英國既收入其實個排序係高過你願意事先比幾多錢的，再者業主們大多都了解到好多人岩岩過去真係搵個地方落腳，一年之後可能搬去第二個城市又或者會自置物業，咁做得業主既講真有邊個想一年半載之後又洗筆錢同時間去搵租客丫，而且某程度上過唔到 Reference check 佢地要承受既風險又大咗，所以都唔算好多業主願意接受。 另外～預付租金同按金唔係同一樣野黎架，唔好搞錯呀。 . 5 ) Holding deposit 好多都要比一星期租金做 holding deposit，如果業主唔接受租比我地就會退返，但如果係因租客個人原因唔租就多數都會俾英國 agent 殺訂嚕～如果同時比幾間 Holding deposit 既話…嗯嗯，你明白的。 . 6 ) Check樓契 最好就緊係 Check 下樓契上既物業持有人同租約上既業主係唔係同一個人啦！ . 7 ) 租約條款 簽約前都要傾下啲 terms，有好多細位其實都要小心釐清返雙方既責任。 . 8 ) 簽約 一般都20頁起架喇，記得睇清楚租約上面D個人資料同條款～ . 9 ) 按金 多數喺網上平台搵到果D長租租盤既租約都係 AST ( Assured Shorthold Tenancy)，AST 既按金係受規管既，通常係5星期租金，而按金正常係業主 / agent 代收咗之後存入英國政府指定既第三方機構，絕對唔會係佢地自己 Keep 架！存入之後就會收到張 cert 證明已經收咗你既按金，不過都有D例外情況，呢到就唔多講了。 . 10 ) 租金 正如前面講，多數要俾 upfront 就可能6個月或一年租，至於比咗既錢由邊個 Keep，點樣安排，就要留意返租約上既條款。 . 11 ) 必要文件 呢部份指既係 EPC、EICR、Gas Cert、How to rent 等等。 . 12 ) 安排水電煤上網 Council tax 收到租約後就可以開始安排電、煤，多數都會跟返上手用落既公司，不過都要安排轉名等，除非用其他公司就要重新申請。而於 council tax 就收到租約後先可以開始申請嚕。 . 13 ) Inventory report 我地當然會建議做埋 inventory report，呢 Part 對租客黎講好重要，日後退租有咩爭拗都係靠佢，要對返所有傢俱、物業既狀況，有齊業主、租客簽名。不過業主唔願意其實我地都冇得選擇，咁有就當然最好多，冇既唯有係你第一下踩入個門口當刻開始影清楚D細節，起碼留個紀錄先。 . Oops！留意返！記得 Check 清楚文件上面有你資料既部份呀！三丈文筆唔好，實在係講解唔到當你收到政府發出既 Council tax bill時，你竟然發現單上面既人名同自己個名有出入到底會係點既一種感受。
以上！就係今日要講既野～完～ . 更多關於我地既資料同收費可以去我地既 Website 睇睇： https://www.trigenproperty.com/ . 上一篇#4 - 煎釀有三寶，買樓都有三寶: https://bit.ly/2WRfwFT . 歡迎立即 WhatsApp / PM / 打電話比我地查詢詳情 WhatsApp: 許先生 Desmond +852-6687 2237 bit.ly/2PvVrRq 吳先生 Daniel +852-9156 4804 bit.ly/38ea2rp Facebook Inbox: m.me/TriGenProperty IG: instagram.com/trigen_property/ ===================================== 介紹返，其實除咗 #英國 之外，我地仲有涉足 #台灣，#柬埔寨 等地區，黎緊仲會有新地區加入，我地仲設有當地睇樓服務，絕非單一片源無限使用，想發掘心頭好就即刻Like埋我地個Page啦，咁就可以收到一手資訊！ 如果擔心唔夠時間Check而Miss左我地既，一於將你既WhatsApp / Signal / E-mail address PM比我地啦！有咩新野都第一時間send比你！ ===================================== #移民 #投資 #英國移民 #BNO #英國樓 #二手樓 #收租 #自住 #買樓 #UK #Immigration #Sourcing #Agent #搵屋 #新樓 #租屋